Sunday, April 10, 2011

అమ్మాయిలంతా చెడిపోయారు!!

 ఆడక :  నేను సాఫ్ట్‌వేర్ కంపెనీలో పనిచేస్తున్నాను. మా ఆఫీసులో పని చాలామంది అమ్మాయిలతో నాకు శారీరక సంబంధాలు ఉన్నాయి. మా కంపెనీలో, ఇతర కంపెనీలలో పనిచేసే చాలామంది నా మిత్రులకు కూడా ఇలాంటి సంబంధాలు ఉన్నాయి. నాతో గడిపిన ప్రతి అమ్మాయి బైటకు అమాయకురాలిగా కనిపిస్తారు. ఇలా అని చెబితే తప్ప ఎవరూ నమ్మరు. ఇప్పడు నేను పెళ్లి చేసుకోవాలి. ఇప్పటికే ఇద్దరు సాఫ్ట్‌వేర్ అమ్మాయిలను, మరో ఇద్దరు అమ్మాయిలతో పెళ్లి చూపులు జరిగాయి. అన్నీ కుదురుతున్నా సంబంధాలను ఒప్పుకోలేకుండా ఉన్నాను. కారణం వీళ్ళు కూడా చెడిపోయి బైటకు అమాయకంగా కనపడుతున్నట్లు అనిపిస్తుంది. నేను సైకియాట్రిస్టును కలవాలని అనుకుంటున్నాను. ఉపయోగం ఉంటుందా?                                                                                          - పేరు రాయని ఓ సాఫ్ట్ వేర్ 
బదులు: చుట్టూ ఉన్న సమాజాన్ని ఏ కోణంలో చూస్తే ఆ కోణంలో నుండి ఆ విధంగా కనిపిస్తుంది. మీ జీవితంలో జరిగిన అనుభవాలను బట్టి మహిళలపట్ల మీకు అపనమ్మకాలతో కూడిన ఇంగితం (కాగ్నిషన్) రూపు దిద్దుకుంది. మీ చుట్టూ ఓ నలుగురు అలాంటివారు ఉన్నంత మాత్రాన ప్రపంచమంతా అలాగే ఉంటుంది అనుకోవటం అవివేకం. ఏ అంశానికి అయినా పలు కోణాలు ఉంటాయిని గుర్తించటం ముఖ్యం. శీలం అనేది ఎవరికి వారుగా నిర్దేశించుకోవాల్సిన అంశం. మీకు శీలం లేదు కాబట్టి (ఇది నా మాట కాదు. మీ మాటే) ఎదుటి వారిని శంకించే హక్కు మీకు లేదు. పెళ్లి అనేది నమ్మకం పునాది ఏర్పరుచుకునే బంధం. ఆ బంధంలోకి పోవాలంటే మనస్సులో మీరు ఏర్పరచుకున్న అపనమ్మకాలను సమూలంగా తొలగించి వాటి చోటులో తిరిగి కొత్త నమ్మకాలను (కాగ్నిటివ్ రీ కనస్ట్రక్షన్) నాటాల్సి వుంటుంది. అనుభవం ఉన్న సైకియాట్రిస్టుకానీ, క్లీనికల్ సైకాలజిస్టు కానీ ఈ చికిత్సను అందిస్తారు. కొన్ని మానసిక జబ్బులు లేత దశలోఉన్నప్పుడు కూడా ఇలాంటి అనుమానాలు వస్తుంటాయి. అలాంటిది ఏమైనా ఉంటే వైద్యంతో నయం అవుతుంది.


ఆడక : నా వయసు 20. రెండేళ్ల క్రితం ఒక కల వచ్చింది. నేను రోడ్డులో పాంప్లెట్లు పంచుతున్నట్టు, ఆ పంచేటప్పుడు ఒకమ్మాయి చేయి తగిలి అదో రకమైన స్పర్శతో నన్ను ప్రేరేపించింది. నాకు లైఫ్ ఇచ్చింది. అప్పటినుండి నేను చేసే కంప్యూటర్ పని మానేసి అమ్మాయి కనిపిస్తుందేనోనని పాంప్లేట్లు పంచుతూనే ఉన్నాను. అయినా ఆ అమ్మాయి దొరకలేదు. ఆ అమ్మాయి దొరికే వరకు ఇలా పంచుతూనే ఉంటాను. నాకు అమ్మాయి దొరికే మార్గం చెప్పండి. 
                                                                                                          -     జ్వాలా నరసింహారెడ్డి, అనంతపురం
బదులు: ''సందేహాలు - సమాధానాలు'' శీర్షికకు ఇలాంటి కల్పిత ఊహలతో చాలా ప్రశ్నలు వస్తుంటాయి. సమాధానాలు ఇస్తున్నారు కదా! అని బుర్రకు ఏది తోస్తే దాన్ని ప్రశ్నగా పంపటం అనేది మంచి పద్దతి కాదు. మీకు కల వస్తే వచ్చి ఉడవచ్చు. కానీ కలలో కనిపించిన అమ్మాయి కోసం రెండేళ్లనుండి పని మానుకొని పాంప్లేట్లు పంచటం అనేది కేవలం కల్పితమని నేను అనుకుంటున్నాను. ఒకవేళ మీరు చెప్పేది అంతా నిజమే అయితే ఆలస్యం చేయకుండా మనసు వైద్యులను కలవండి వారు నయం చేస్తారు.

ఆడక : మా పాపకు నాలుగేళ్లు. ఎప్పుడూ ఎత్తుకొనే ఉండాలి. కొత్తవారి దగ్గరకు అస్సలు పోదు. దించితే ఏడుస్తుంది. ఈ ఎత్తు మరుపునుండి పాపని మార్చలేమా? ఏం చేయమంటారు.                                             -వి.రాణి బద్వేలు
బదులు:కుటుంబ సభ్యులు చేసే అతి గారాబం. అతి ప్రేమ, అతి జాగర్తల వల్ల పిల్లలు ఇలా తయారు అవుతారు. పిల్లలపై కుటుంబ సభ్యుల ప్రవర్తన చాలా ఎక్కువుగా ఉంటుంది. ముఖ్యంగా తల్లి ప్రవర్తన, అభద్రతా భావంతో ఉండే తల్లి తన ప్రవర్తన వల్ల పిల్లలను స్వతంత్రంగా ఎదగనీయదు. ప్రవర్తన శాస్త్రంలో ఒక నానుడి ఉంది. ‘‘యాంగ్జియస్  మదర్ విల్ ప్రొడ్యూస్ యాంగ్జియస్ చైల్డ్’ అని. మీరు రాసిన దాన్ని బట్టి సమస్య పాప దగ్గరలేదు. కేవలం మీ దగ్గరే ఉంది. క్లీనికల్ సైకలాజిస్టును కలవండి. మీ ప్రవర్తనలో ఉన్న లోపాన్ని గుర్తించి దాన్ని తొలగిస్తే కొద్ది రోజల్లోనే సమస్య తొలిగిపోతుంది.

ఆడక : మాకు ముగ్గురు పాపలు. అబ్బాయి కావాలనుకుంటూ మూడో అమ్మాయిని కన్నాము. అబ్బాయి పుట్టాలంటే ఫలానా రోజున భార్యభర్తలు కలుసుకుంటే అలాగే జరిగే జరిగేందుకు చైనా చార్టు తెచ్చారు మా వారు. ఇలా నిజంగా జరుగుతుందా?                                                                                             -  పేరు రాయలేదు హైదరాబాదు
బదులు: నమ్మకానికి, శాస్త్రానికి పొసగదు. మీ నమ్మకాలకు శాస్ర్తియ వివరణ కావాలంటే ఇవ్వలేము. ఇప్పటికి ఉన్న సాంకేతిక పరిజ్ఞానంతో ఇలా కనటం సాధ్యం కాదు. కాకుంటే పుట్టక ముందు కడుపులో పెరిగేది మగబిడ్డా లేదా ఆడబిడ్డా అనే విషయాన్ని మాత్రమే కనుక్కోవచ్చు. కానీ ఇలా కనుక్కోవటం చట్టరీత్యా నేరం. అమాయకత్వంతో తెలియక ఇలాచేస్తే అది అజ్ఞానం అనవచ్చు. అన్నీ తెలిసి చేసేది మూర్కత్వం. మీరు అజ్ఞానులు కాదని మాత్రం చెప్పగలను.





4 comments:

  1. డాక్టర్ గారు, జనంలో ఇలాంటి మూఢ నమ్మకాలు చాలా ఉన్నాయి. పులి యొక్క వృషణాలు తింటే మగతనం పెరుగుతుందని పులులని వేటాడిన వాళ్ళ గురించిన వార్తలు చిన్నప్పుడు చదివాను.

    ReplyDelete
  2. @first question: enduku babai meelaantollaku pellillu, nuvvemo already andarithonu kulikinaavu, neeku maatram pativratha kaavaali daaniki nuvvu question raasi nee time bokka, malli doctor gaarini adigi doctor gaari time bokka,

    @doctor: doctor gaaru, ilaanti vaallaki cheppu ichchi kottinattu konni samaadhaanaalu nenu prepare chesi isthaanu avi icheyandi, edava santha edava santha ani

    ReplyDelete
  3. As a doctor I can't give such (Cepputho kottinattu) answers. As the public you can...

    ReplyDelete
  4. మొదటి ప్రశ్నకి మీ జవాబు సరిగానే ఉంది.

    "మీకు శీలం లేదు కాబట్టి (ఇది నా మాట కాదు. మీ మాటే) ఎదుటి వారిని శంకించే హక్కు మీకు లేదు." -- ఇది చాలు అర్ధం చేసుకుంటే.

    ReplyDelete